Presidenti rus, Vladimir Putin, do t’i nënshtrohet një operacioni për kancer dhe pushtetin do t’ia dorëzojë përkohësisht një ish-shefi të policisë federale, bëhet e ditur përmes një raporti.

Putin do t’ia transferojë kontrollin qeverisë, Nokolai Patrushev, shef i Këshillit të Policisë federale ruse, derisa ai do të jetë i aftë të qeverisë, bëhet e ditur përmes një videoje nga kanali misterioz në Telegram “General SVR”.

Kanali i cili supozohet se drejtohet nga ish-gjenerali i Shërbimit të Inteligjencës së Jashtme ruse, i njohur me pseudonimin “Viktor Mikhailovich” raportoi se Putinit i është thënë nga mjekët se duhet t’i nënshtrohet operacionit, shkruan New York Post.

Sipas këtij raporti i cili është i pakonfirmuar, operacioni dhe rikuperimi i parashikuar pritet të lë të paaftë Putinin për një kohë të shkurtër.

Putini nuk ka gjasa të pranojë të dorëzojë pushtetin për një periudhë më të gjatë kohore”, tha transmetuesi i videos, duke shtuar se kontrolli i vendit ka të ngjarë të jetë në duart e Patrushevit për jo më shumë se dy deri në tri ditë.

“Unë do të them se kjo është alternativa më e keqe”, ka shtuar transmetuesi. “Patrushev është një horr, ai nuk është më i mirë se Putini. Për më tepër ai është një person më dinak dhe më tinzar se Putini. Nëse ai vjen në pushtet, problemet e rusëve vetëm do të shumohen”./portalb/